जातिवंत भटके

ट्रेकिंग... हा रेहमानी किडा खूप वर्षापासून अंगात वळवळतोय.. नाद, व्यसन आणि माझ्या भाषेत सांगायचे झाल्यास खाज यालाच म्हणतात... हाफिसला सुट्टी असली कि हा किडा वळवळू लागतो. मग जमेल तसा वेळात वेळ काढून शहरालगत जवळपास कोणत्याही गडकिल्ल्यावर किंवा एखाद्या ऐतिहासिक ठिकाणी जावून ट्रेक करू लागलो... जुन्या नव्या मित्रांना फोनाफोनी, फेसबुक Whats App वर चाटाचाटी करायची, प्लान ठरवायचे नि सुमडीत जावून यायचे माझे उद्योग काही महिने बंद झाले होते... पण त्याचा जास्त काळ निभाव लागला नाही... गेल्या वर्षी विक्रांतसोबत दोन-चाकीवरून उत्तर कोकणातील सात सागरी किल्ले फिरून आलो... पण इथल्या डोंगरी किल्ल्यांची सफर या ना त्या कारणाने हुकली... शेवटी मुहूर्त भेटला... आजकाल माझी सुट्टी weekdays  मध्ये येत असल्याने कोणीतरी रिकामटेकडा शॊधत होतो आणि तो सापडला... किल्ला ठरला तो "अशेरीगड". भर पहाटे उठून आवरावर केली... आई-बाबांना कुठे चाललोय याची माहिती रात्रीच दिली होती... ५ वाजता घर सोडले... दादरहून पालघरला जाणारी डहाणू लोकल ५:४१ ची आहे... ती सुटली... माझ्याआधी येवून वाट पाहणाऱ्या मित्र...