प्रवास चंदेरीचा भाग-१
खूप दिवसापासून घर आणि ऑफिस करून करून डोक्याच भज झाल होत. रोजचा ट्रेनच्या गर्दीमधला या नोकरदाराचा कंटाळवाणा प्रवास, लोकांना धक्का देत, रस्त्यातल्या वाहनांना हुलकावणी देत, ऑफिसपर्यंत पायाची चाललेली रपेट, अक्षरश: कंटाळलो होतो. रोजच तेच ते जिन. मुंबईच्या भाषेत बोलायला गेल तर " खानेका पिनेका बत्ती बुजानेका" पण अश्या मुंबईकरांची विचारसरणी मला पटत नाही. मला प्रवाहाच्या उलट्या दिशेने वाहायला आवडत. बोंबलत भटकायला आवडत आणि बोंबलत भटकायचं तर या सह्याद्रीत.
त्यात तोरणा- राजगड नंतर एकही ट्रेक झालाच नव्हता. त्यात मित्रांचे फोन यायचे. कधी जायचं रे ट्रेकला.. इवेन्ट ठरवा कि लवकर.. जानेवारी संपते तोच शिवजयंती जवळ आली होती म्हणून ट्रेक रद्द करायचे ठरले होते. तोच १९ फेब्रुवारी शिवजयंतीचा दिवस आलाच. गडवाटची यंदाची शिवजयंती थाटामाटात सिंधुताई यांच्या आश्रमात झाली. भरून पावलो होतो. सगळे गडवाटचे मित्र एकत्र आले होते. आता माझी खैर नव्हती. पुन्हा मित्रांनी बोलायला सुरुवात कधी जायचं रे ट्रेकला..? यावेळेस कोणत्या गडावर..??
त्यावेळेस तोंडातून शब्द पडला "चंदेरी".. त्यात दोघा तिघांनी विचारले हा कोणता गड रे..?? नवीनच ऐकतोय..
नेमका गडच आहे ना ??
माझे उत्तर ठरलेले होते.. हो चंदेरीच.. मुंबईजवळच आहे तो.. नेटवर सर्च कर..
त्यानुसार हा ट्रेक फ़िक्सं झाला.. उन्हाळा जास्तच वाढल्यामुळे हा ट्रेक रात्रीचा करायचा ठरलं..
वार ठरला आणि वेळही ठरली. २ मार्च रात्री ९.३० ते ३ मार्च दुपारी ४ वाजेपर्यंत.
झाल... २३ फेबला तशी इवेन्टची पोस्ट पडली आणि नाव नोंदणी करणे अनिर्वाय केले होते..तशी फोनची रिंग वाजू लागली..
१ मार्चपर्यंत माझ्याकडे फक्त ३९ जनाची अधिकृत नोंदणी झाली होती.. त्यानुसार आमचे नियोजन ठरले...
खूप जणांना हा चंदेरी ट्रेक कसा आहे याची माहितीहि नव्हती. त्यात आमची वाट जर वेगळीच होती. बहुतांशी ट्रेकर्स मंडळी बदलापूरहून चिंचोली गावातून हा ट्रेक करतात.. नि आम्ही त्याच्या बरोबर विरुद्ध दिशेने म्हणजेच पनवेलहून जवळ असलेल्या तामसई गावातून हा ट्रेक करणार होतो.. हा ट्रेक जरा हटके होता थकवा देणारा.. थरारक.. अविस्मरणीय..
{ या चंदेरीगडाविषयी थोडक्यात ( सदर माहिती मंगेश खरात याची कॉपी केली आहे) :- चंदेरी किल्ला हा ठाणे जिल्ह्यातील माथेरान डोंगररांगेतील एक दुर्गम आहे.
नाखिंड, चंदेरी, म्हसमाळ नवरी बोयी या डोंगररांगेतील एक व पनवेलच्या प्रभमंडळाचे मानकरी असणार्या कर्नाळा, प्रबळगड, इरशाळगड, माणिकगड, पेब, माथेरान आणि अशा कितीतरी गडांपैकी एक म्हणजे चंदेरी होय. चंदेरीच्या पायथ्याशी असलेली घनदाट वृक्षराजी, गवताळ घसरडी वाट अन मुरमाड निसरडा कातळमाथा म्हणजे सह्याद्रीच्तील एक बेजोड आव्हान आहे. तामसाई गावाच्या हद्दीत असणारा असा हा दुर्ग प्रस्तरारोहण कलेची आवड असणार्या गिर्यारोहकांचे खास आकर्षण आहे. }
आलेल्या नाव नोंदणीनुसार १ मार्च रोजी आम्ही गाडीची आणि जेवणाची व्यवस्था केली.. तरीही २ मार्च रोजी सुद्धा काहींचे फोन येवू लागले. मला नाही म्हणता येत नव्हते. तशी रात्री ५ वाजेपर्यंत मुलांची संख्या ४६ झाली होती. सर्वाना पनवेलच्या एस टी डेपोजवळ यायला सांगितले होते.
मी थोडा लवकरच पनवेल डेपोत येवून पोहोचलो होतो. ९ वाजताच तसे हळू हळू एकेकजण यायला सुरुवात झाली.
फोन आला कि त्यांना मी कुठे उभा राहिलो आहे याचे ठिकाण सांगायचो.. (नवनाथ रसवंती गृहासमोर किंवा [मुतारी] समोर असलेल्या झाडाखाली.) :D
काही वेळातच १०-१५ जन वेळेत आले होते.. आता वाट पाहत होतो सर्वांच्या येण्याची..
क्रमश:
Comments
Post a Comment